🙏🙏🙏
ЧА адарынга,Россиянын чыынды командазынын кежигуну, делегейнин хой-хой шанналдарынын эдилекчизи,делегей чергелиг спорт мастери
Очур Руслан Владимировичиге тураскааттым.
Аарыг-ажык оюп чорзун,ырап чорзун,
Амыдырал эки болзун,аайлашсын-деп,
Йорээлдерни катап-катап салып тургаш,
Йорээливис доктаар боорун кузээр-дир бис.
Амыдырал-чуртталгага чуу-даа турар,
Айыыл-халап,озал-ондак, думаа-ханаа.
Кадыкшылды уреп келир чузун-бурун,
Кандыг аарыг турбас дээрил, камгалал чок.
"Ийи будум бастынмас боор,кончуумну"-деп,
Ишти-хонну бодаптарга берге болбайн.
Чалыы шаанда"коляскага орар мен"-деп,
Шала мунгак бодалдарга алыспазын.
Чуртталганын аар-берге оруктарын,
Чуруп алгаш коруптерге хомуданчыын.
Салым-чолу ынчап баар-деп ожааваан-даа,
Сагыжынга бодал-даа чок,билген эвес.
Делегейнин призеру болуп чоруур,
Тергиин диген адыгжывыс манаа бижип,
Тывавыстын ады дээштин,Россия дээш,
Дерин берген,чоргаар оолду таныштырайн.
ЧАны аткан согуннары дагжавышаан,
Часпайн барып "каразынче" кире-ле бээр.
Очур Руслан дунмавысты, мастерни,
Оода манаа бижип корейн, мактал болзун.
Россияга"часпас адар адыгжы"-деп,
Русланны шак-ла ынчаар унелеп каан.
Ынча ковей адыгжылар аразындан,
Ыткан огу "кара"часпаан,тиилекчи-дир.
Кажанда-даа "коляскада орар мен"-деп,
Хараадаваан,хомудаваан чоргаар оол-дыр.
Делегейни дээскиндир ЧАзын адып,
Тергиин дирткен Руслан ол-дур, чоргаарал-дыр!
............... Олег Кыдат-оолович Дадар-оол..............
01.12.2020.
